15 yanvar 2019-cu il
15 yanvar 2019-cu il tarixində Rusiya İnformasiya-Mədəniyyət Mərkəzində "Rossotrudnichestvo" şirkətinin Azərbaycandakı nümayəndəliyi Azərbaycanın aparıcı jurnalistlərinə sertifikatların təltif edilməsi münasibətilə tədbir keçirdib.
Ü.Hacıbəyli adına Bakı Musiqi Akademiyasının birgə təşkilatçılığı əsasında keçirilən tədbirdə konsert proqramı təqdim edilib.
Qeyd edək ki, konsertin təşkilati dəstəyi BMA-nın sənətşünaslıq üzrə fəlsəfə doktoru, “Musiqi nəzəriyyəsi” kafedrasının müəllimi Alyona İnyakina tərəfindən təmin edilib.
Konsertdə Ü.Hacıbəyli adına Bakı Musiqi Akademiyasının tələbələrinin (Maqsud Musazadə (fortepiano), Leyla Cavadova (fortepiano), Məhəmmədəli Paşazadə (klarnet), Validə Səmədova (fortepiano), Mark Zinçenko (kontrabas), Aminat Əhmədova (vokal), Əzizə Ələkbərli (fortepiano), Firuzə Bəylərova (fortepiano), Fəzilə Maksimova (fortepiano), Emil İsmayılov (vokal)) ifasında S.Raxmaninov "Elegiya", A.Məlikov "Noktürn", K.Sen-Sans "Fil", Şnayder-Tranvskiy "Qızıl güllər qarda" romansı, C.Allahverdiyev «Sənsiz» , F.List "Sevgi xəyalları", Mardasov "Xatirə", B.Xovard “Mənim yanıma aya uç” əsərləri səsləndirilib.
Konsertin müvəffəqiyyətlə keçirilməsinə görə Rusiya İnformasiya-Mədəniyyət Mərkəzinin rəhbəri V.Denisov bütün BMA rəhbərliyinə öz minnətdarlığını bildirərək tədbirin bütün iştirakçılarına təşəkkür edib.
