• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    6 oktyabr 2017-ci il

    Oktyabr ayının 6-sı Bakı Ekspo Mərkəzində 11-ci Azərbaycan Beynəlxalq Təhsil “Education 2017” sərgisinin açılış mərasimi olub.

    Açılış mərasimində təhsil naziri Mikayıl Cabbarov çıxış edib. Məlumat verilib ki, oktyabrın 8-ə kimi davam edəcək sərgi arzu edən hər kəs üçün istər ixtisas, istərsə də təhsil yeri üzrə geniş seçim imkanı yaradan unikal platformadır.


    Bu sərgi ölkədə Azərbaycan Respublikası Təhsil Nazirliyinin rəsmi dəstəyi ilə təşkil olunan yeganə sərgidir. Sərgi həmçinin Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) tərəfindən də dəstəklənir. Sərginin təşkilatçısı qismində “Caspian Event Organisers” (“CEO”) şirkəti çıxış edir. Qeyd edək ki, 11-ci Azərbaycan Beynəlxalq Təhsil sərgisi "İnsan kapitalı sərvətimizdir" devizi altında təşkil olunub.


    Sərginin 2-ci günü Ü.Hacıbəyli adına Bakı Musiqi Akademiyasının “Sabah” qrupunun II kurs tələbələrinin çıxışı baş tutub. Belə ki, tələbələr – Hüseynov Orxan, Əmişov Əli, Kərimli Qəmər və Rzayev Bahadurun ifasında konsert proqramı dinləyicilərə təqdim olunub. Musiqi proqramında Y.Haydn “Kvartet” və O.Zülfüqarov “Muğam” kompozisiyası səsləndirilib.

    No Images