• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    30 aprel -5 may 2019-cu il

    30 aprel -5 may 2019-cu il tarixlərində Gürcüstanın Tiflis şəhərində Vaja Çaçava adına Beynəlxalq Musiqi müsabiqəsi keçirilib.

    Qeyd edək ki, bu müsabiqə ilk dəfə 2017-ci ilin mart ayında görkəmli musiqiçi , Moskva və Tiflis Konservatoriyalarının professoru Vaja Çaçavanın xatirəsinə həsr olunub.
    Hazırki Müsabiqə “Vaja Çaçavanın beynəlxalq fondu” və Gürcüstanın bəstəkarlar ittifaqının dəstəyi ilə həyata keçirilib. Müsabiqədə Koreyanın, Rusiyanın, Azərbaycanın, Gürcüstanın, Qazaxıstan və Ukraynanın musiqiçiləri iştirak ediblər. Eyni zamanda Ü.Hacıbəyli adına Bakı Musiqi Akademiyasının “Sabah” qrupu tələbələri müsabiqədə uğurla çıxış ediblər. Həmçinin juri qismində BMA-nın prorektoru, professor Nərminə Quliyeva da iştirak edib.
    Müsabiqə iki turdan ibarət olub. Birinci və ikinci turda münsiflərin rəğbətini qazanmış BMA tələbələri müsabiqədə yüksək bacarıq və ustalıq nümayiş etdiriblər.
    Belə ki, solo ifaçılıq nominasiyası üzrə Bağırzadə Səid (II kurs) -1 yer Laureat adına, Əmiraslanov Nəriman(III kurs) – 3 yer Laureat adına, Eldarlı Gülnaz (II kurs) -2 yer Laureat adına, İmanova Günel (II kurs) -2 yer Laureat adına layiq görülüb. Kamera musiqisi nominasiyası üzrə - Əmiraslanov Nəriman, Xuduzadə Təhminə, Əmirli Nəzrin -1 yer üzrə Laureat adını qazanıblar. Eyni zamanda BMA-nın konsertmeysteri, beynəlxalq müsabiqələr laureatı Fəqan Həsənli (I yer) və BMA-nın Konsertmeyster ustalığı kafedrasının illustratoru Güllübəyim Məmmədova (II yer) müsabiqədə iştirak edərək diplomlarla təltif olunublar.
    Müsabiqənin sonuncu günündə qaliblərin Qala Konserti keçirilib.