• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    17 may 2018-ci il

    17 may 2018-ci il tarixində Meksika Birləşmiş Ştatlarının Azərbaycan Respublikasındakı səfiri Xuan Rodrigo Labardini Flores Bakı Musiqi Akademiyasının qonağı olmuşdur.

    Qonaq Üzeyir Hacıbəyli adına Bakı Musiqi Akademiyasının rektoru, Xalq artisti, professor Fərhad Bədəlbəyli və Beynəlxalq əlaqələr və tərbiyə işləri üzrə prorektor, professor Yeganə Axundova ilə görüşmüşdür. Görüş əsnasında 2 ölkə arasında dostluq, mədəni münasibətlərin və təhsilin daha da inkişaf etdirilməsinin perspektivləri müzakirə olunmuşdur. Həmçinin, tanınmış pianoçu Argentina Duran Fernandezin Bakı Musiqi Akademiyasında 21 may tarixində ustad dərsi və 23 may tarixində konsert proqramı ilə çıxışı haqqında müzakirə aparıldı.

    Qeyd edək ki, Argentina Duran Fernandez Çikaqoda Ruzvelt Universitetində təqaüdə layiq görülmüşdür. 2017-ci il 1-ci Beynəlxalq Papantla Piano Festivalında konsert proqramı ilə çıxış edib və ustad dərsləri verib. Həmçinin, UNAM Musiqi Universitetində piano müəllimi kimi çalışır. Meksika Milli Musiqi Konservato¬riyasın¬da pianoçu olaraq fəaliyyət göstərir.

     

     

     

     

    Back to Top