• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    15-18 noyabr 2019-cu il

    15-18 noyabr tarixlərində İspaniyanın Barselona şəhərində XVI ART-DUO Musiqi festivalı keçirilmişdir.

    Ü.Hacıbəyli adına Bakı Musiqi Akademiyasının “Tədris işləri üzrə prorektor”u, professor Nərminə Quliyeva bu festivala jüri üzvü kimi dəvət olunmuşdur. Həmçinin tələbələrimiz də bu müsabiqədə 2 nominasiya üzrə iştirak etmişlər. “Fortepiano dueti” nominasiyası üzrə I kurs tələbələri Əliyeva Nərgiz və Abdinzadə Camalə (müəllim: dosent Arzu Məmmədova) I yerə, “Solo fortepiano” nominasiyası üzrə isə Əliyeva Nərgiz (müəllim: professor Nəzakət Rimazi) I yerə, Abdinzadə Camalə (müəllim: baş müəllim salmanlı Nərgiz) III yerə layiq görülmüşlər.