• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    1 dekabr 2020-ci il

    1 dekabr 2020-ci il tarixində Macarıstanın Azərbaycandakı Səfirliyinin ADA Universiteti və Macarıstanın Milli Mədəniyyət Fondunun dəstəyi ilə təşkil etdiyi “Rəqəmsal Macarıstan” onlayn konfransında Bakı Musiqi Akademiyasının Beynəlxalq əlaqələr, ictimaiyyətlə əlaqələr və sosial məsələlər üzrə prorektoru, professor Yeganə Axundova iştirak edib.

    Onlayn konfrans Macarıstanda Elm Günü münasibətilə keçilirib, həmçinin mədəni və elmi irsin rəqəmsallaşdırılmasına həsr edilib. 

     Macarıstanın Müasir Memarlıq Mərkəzinin əməkdaşı Janos Klaniczay təqdimatla çıxış edərək konfrans iştitakçılarına mərkəzin fəaliyyəti, xüsusilə “Budapeşt 100” layihəsi haqqında ətraflı məlumat verib. 

     Macarıstan Milli Muzeyinin əməkdaşı David Biro isə Milli Muzeyə virtual səyahət etmək üçün vodeoçarx təqdim etdi və iştirakçılarla muzeyin pilot layihələri haqqında məlumatı bölüşdü.  

    Konfransın sonunda bu kimi layihələrin Bakı Musiqi Akademiyası ilə birgə əməkdaşlıqda icra edilməsinin mümkünlüyü müzakirə edildi.