• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    18 mart 2019-cu il

    18 mart 2019-cu il tarixində Üzeyir Hacıbəyli adına Bakı Musiqi Akademiyasının Ş.Məmmədova adına Opera Studiyasının səhnəsində gənc musiqiçilərin “Xoş Gəldin Bahar” adlı konserti keçirilib.


    Konsertdə gənc musiqiçilərin: Esmira Rzayeva, Sevinc Kərimova, Mətanət Nurullayeva, Atabəy İsmayılov, Şükür Ömərli, Nihad Orucov, Lalə İbrahimova, Orxan Hüseynov, Nərgiz Salmanlı, Zərrin Əliyeva, Arzu Səfərova, Cahandar Xanlarov, Kamran Talıblı, Nərgiz Kəngərli və “Cəngi muğam” qrupu, “N-Surreal” qrupu, “Modern Folk” qrupu, “Kanonçular ansamblı”, “Səbinə” rəqs qrupu, “Lumineux” Vokal-xor ansamblının ifasında azərbaycan bəstəkarlarının əsərləri (Tural Yusibov “Azərbaycan”, Sərdar Fərəcov “Xalq rəqsi”, Həsən Rzayev “Cahargah rapsodiyası”, Xalq mahnısı “Bağa girdim üzümə”, Xalq mahnısı “Basma, basma tağları”, Cahangir Cahangirov “Bana, bana gəl”, “Mahur” təsnifi, Xalq mahnısı “Küçələrə su səpmişəm”, Fikrət Əmirov “Sevil” operasından Dilbərin ariyası, Süleyman Ələsgərov “Şalaxo”, Oktay Zülfüqarov “Muğam və Rəqs”, Niyazi “Rast” simfonik muğamından fraqmentlər, Siyavuş Kərimi “Ömrümün istəyi”, Tofiq Quliyev “Skertso”, Naxçıvan Yallısı) yüksək peşəkarlıqla səslənib.
    Qeyd edək ki, “Xoş Gəldin Bahar” adlı konsert proqramında qonaqlar qismində Azərbaycan Milli Konservatoriyasının Tədris işləri üzrə prorektoru, professor Malik Quliyev, Azərbaycan Bəstəkarlar İttifaqının katibi, Əməkdar incəsənət xadimi Sərdar Fərəcov və Ü.Hacıbəyli adına Bakı Musiqi Akademiyasının professor-müəllim heyəti iştirak ediblər.
    Müraciət olunan musiqi repertuarının zənginliyi və yüksək səviyyədə ifası bütün auditoriya tərəfindən rəğbət hissi ilə qarşılanıb. “Xoş Gəldin Bahar” adlı konsert proqramı gur alqışlar ilə sona çatıb.

     

    Mətbuat şöbəsi və informasiya komunikasiya
    texnologiyaları xidmətinin əməkdaşı
    Əhmədova Minacat