• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    29 sentyabr 2021-ci il

    29 sentyabr 2021-ci il tarixində Beynəlxalq Musiqi Günü ərəfəsində Bakıda Rus Evində (Rusiya İnformasiya və Mədəniyyət Mərkəzi) görkəmli bəstəkar Dmitri Şostakoviçin yaradıcılığına həsr olunmuş musiqi gecəsi keçirilmişdir.

    Tədbirin aparıcısı və təşkilatçısı, sənətşünaslıq üzrə fəlsəfə doktoru, Üzeyir Hacıbəyli adına Bakı Musiqi Akademiyasının baş müəllimi Alyona İnyakina qonaqlara D. Şostakoviçin yaradıcılığının əhəmiyyətindən, Azərbaycan musiqi mədəniyyəti ilə əlaqələrindən bəhs etmişdir.

    Tədbir zamanı qonaqlar Ü.Hacıbəyli adına Bakı Musiqi Akademiyasının müəllim və tələbə heyətinin - Azərbaycanın xalq artisti, professor Gülnaz İsmayılova, professor Fəridə Əhmədbəyova, baş müəllim Lalə Muxtarova, müəllim Nərgiz Kəngərli, Nüşabə Hacıyeva, İlqarə Talıbova Əliyeva, Zərrin Əliyeva, Aysel İbrahimova, Nigar Həsənli, Əsmər Kərimlinin təqdimatında klassik əsərlərin ifasından zövq almışlar. Görkəmli bəstəkara həsr olunmuş yaradıcılıq gecəsində həmçinin M. Maqomayev adına Azərbaycan Dövlət Filarmoniyasının Azərbaycan Dövlət Akademik Fortepiano Triosunun solistləri, Azərbaycanın əməkdar artistləri - Töhfə Babayeva, Səbinə İbrahimova, Elnarə Kəbirlinskaya,  Azərbaycan Dövlət Mədəniyyət və İncəsənət Universitetinin müəllimi Üzeyir Mahmudbəyli çıxış edib.

    Konsertdə D. Şostakoviç, Q. Qarayev, C. Hacıyev, habelə, E. Nəzirovanın əsərləri səsləndirilmişdir.

    Tədbirdə Rusiyanın Azərbaycandakı fövqəladə və səlahiyyətli səfiri Mixail Boçarnikov, Yunanıstanın Azərbaycandakı fövqəladə və səlahiyyətli səfiri Nikolaos Pipegrios, o cümlədən, səfirliklərin əməkdaşları, mədəniyyət və incəsənət xadimləri iştirak edib.