• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

     

    Ü.Hacıbәyov. Filankәs.

    Ordan-burdan.—«İrşad», 14 mart 1906, № 67. 

    Rus qәzetәlәri bir o qәdәr Vitte—Durnovo—deyә bağırıb, bu iki dövlәtçilәri bir һökmdar yerindә qoydular ki, axırda Vitte ilә Durnovo arasında birdәn-birә pozğunluq peyda oldu. Vitte rәfiqi (bәlkә dә rәqibi) Durnovodan küsübdür. Lakin bu küsmәni bir vәcһlә örtub, özunü sındırmamaqdan ötrü (böyuk adamlara küsmәk yaraşmaz) daһa qocalmışam—deyә mә'muriyyәtini tәrk etmәk istәyir. Durnovo isә—o da sәdr ә'zәm Vittedәn küsübdür. Amma bu, küsmәyini gizlәtmәk deyil, aşkar etmәk üçün vәzirlәr mәclisinә gәlmәyib, at minib Peterburqun küçәlәrindә ora-bura çapırmış... Demәli, bu da vәzirlәrә mәxsus bir zabastovka (tә'tildir) ki, sairlәrә qadağandır.

    Zabastovka dedim xatirimә bir fәqәrә düşdu. Birisi realni mәktәbi şagirdlәrindәn sorurdu:

    — Heç bu mәktәbә getmişdin?

    — Bir iki dәfә getmişdim!

    — Bәs sair vaxt nә üçün getmirdin?

    — Tә'til elәmişdim.

    —Nә üçün?

    —Mixaylovsk sәnaye mәktәbinin müdiri pis adamdır.

    — Sәnә nә dәxli var?

    — Yoldaşlarla һәmrә'y olmaq lazımdır.

    Yoldaşlarla һәm'rәy olmaq lazımdırsa da, ingilis dövlәti öz yoldaşı Osmanlı dövlәti ilә һeç bir һalda һәmrә'y olmaq istәmir. İndi bunlar Әqәbә bәndәri üstündә çәkişirlәr. Osmanlı dövlәti deyir ki, Әqәbә mәnimdir, qoşunumu oradan çıxartmıram, ingilis dә buna müxalif,—Әqәbә Misir torpağıdır,—deyә ayağını yerә döyür ki, Osmanlı qoşunu oradan çıxsın. Burası yamandır ki, ingilis Әqәbә Misir torpağıdır dedikdә, o, Osmanlıya deyә bilmir ki, Misir һara sәn һara, çünki Osmanlı xәritәlәrindә Afrikayi-Osmaniyyә adlanan Misir indi olub «Afrikayi-ingilisi», buna da sәbәb mәn olmamışam, Osmanlının özü olubdur. Deyirlәr ki, Osmanlının inadlığı ingilis tәrәfiidәn İzmir saһilindә (morskaya demonstrasiya) bәһriyyә nümayişi icrasına sәbәb olacaqdır.

    Zәrәr yoxdur. Osmanlının peşәsi üzәrinә icra olunan nümayişlәrә tamaşa etmәk deyilmi? İngilis isә Qoqolun һәrifi Nozdrovun şarmankasında mütlәqa aramgir olmaq istәmәyәn zurnaya bәnzәyir.

    Zurna dedim xatirimә «Novoye Vremya»nın müdiri vә naşiri Suvorin baba düşdü. Suvorin baba da zurnaçıdır. Lakin zurnaçı da var, zurnaçı da var. Aşıq Abbasqulunun zurnası sәslәndikdә adamın oynamağı gәlir. Suvorin babanın zurnası çalındıqda allaһ göstәrmәsin bayquş kimi ulayır. Suvorin baba zurnasında әvvәl müsәlmanlar üçün «Uzun dәrә», «Keçi mәmәsi» kimi һavalar çalırdı. İndi isә zurnasını bayquş һulqumuna döndәribdir, uluyur, uluyur. Ulamağına da sәbәb müsәlmanların yuxudan oyanmağıdır. Әslinә baxsan müsәlmanların oyanmağında Suvorin babanın özü müqәssirdir. Çünki kim bilmir ki, yatmış. adamın yanında zurna çalınsa oyanar?

    Deyirlәr ki, İran dәxi oyanıb, «әdalәtxanә» vә «Mәclisi mә'busan» kimi iranlı qulağı eşitmәmiş şeylәrdәn bәһs edirlәr. Әgәr İranın oyanmasından nәticә bizim «Dövlәt dumamız» kimi bir şey olacaqsa—nә deyim?

    Dövlәt duması. Dövlәt dumasına bolluca keşiş seçirlәr. Keşişin һörmәti Rusiyada artıbdır. Amma Fransada keşişlәri ağacla döyürlәr. Çünki bura Rusiyadır—ora Fransadır.

     

    Back to Top