• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    24 sentyabr 2022-ci il

    24 sentyabr 2022-ci il tarixində Üzeyir Hacıbəyli adına Bakı Musiqi Akademiyasının Böyük zalında XIV Üzeyir Hacıbəyli Beynəlxalq Musiqi Festivalı çərçivəsində bədii rəhbəri SSRİ və Azərbaycanın Xalq artisti, professor Fərhad Bədəlbəyli, direktoru Azərbaycanın Xalq artisti, professor Yeganə Axundovanın olduğu Baku Chamber Orchestranın  konserti keçirildi.

    Öncə Xalq artisti, BMA-nın   Beynəlxalq əlaqələr, sosial məsələlər və ictimaiyyyətlə əlaqələr  üzrə prorektoru, professor Yeganə Axundova hər kəsi salamladı və Vətən uğrunda canından keçən şəhidlərimizin xatirəsi bir dəqiqəlik sükutla yad edildi.

    Sonra konsert açıq elan olundu.

    Tədbirdə dirijor Mirian Xuxunaişvilinin rəhbərliyi altında (Gürcüstan) Baku Chamber Orchestranın müşayiətilə, solist-istedadlı pianoçu Kristina Millerin (Rusiya/Almaniya) ifası dinləyicilərə böyük zövq bəxş etdi.

    Qeyd edək ki, K.Miller Beynəlxalq müsabiqələr laureatı, Münhen Yeni Filarmoniyasının, Vyana Kamera Orkestrinin, Amerika Orkestrinin, Litva Kamera Orkestrinin solistidir.

    Musiqisevərləri bir araya toplayan konsert proqramında Üzeyir Hacıbəylinin "Arazbarı", Friderik Şopenin Piano və orkestr üçün konserti N.1 e moll, op.11, Bencamin Brittenin "Simple Symphony", op.4, Giya Kançelinin "Daneliada"əsərləri ifa olundu.

    Təntənəli konsert gecəsi tamaşaçıların rəğbətini qazanaraq, gurultulu alqış sədaları altında başa çatdı.

    Gecədə qonaq qismində Prezident Administrasiyası Humanitar siyasət, diaspor, multikulturalizm və dini məsələlər şöbəsinin müdiri Fərəh Əliyeva, Azərbaycan Dövlət Mədəniyyət və İncəsənət Universitetinin rektoru, professor Ceyran Mahmudova, başqa mədəniyyət və incəsənət xadimləri də iştirak edirdilər.