• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    10-15 iyul 2020-ci il

    10-15 iyul 2020-ci il tarixlərində Ü.Hacıbəyli adına Bakı Musiqi Akademiyasının “Fortepiano” kafedrasının II kurs tələbələri I Beynəlxalq “Online Harmony” müsabiqəsində iştirak edərək, Laureat adına layiq görülüblər – Məryam Məmmədova - I yer, Cəmilə Abdinzadə - III yer.

    Eyni zamanda, 20 iyul 2020-ci il tarixində “Fortepiano” kafedrasının II kurs tələbəsi Cəmilə Abdinzadə “TESSA MUSIC CONTEST” müsabiqəsində iştirak edərək, I yerə layiq görülüb.

    Qeyd edək ki, dosent, sənətşünaslıq üzrə fəlsəfə doktoru Nərgiz Salmanlı hər iki müsabiqəyə yüksək səviyyədə tələbə hazırladığı üçün  Diplomla  təltif olunub.

    Təbrik edirik!