• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    23 dekabr 2022-ci il

    23 dekabr 2022-ci il tarixində Müslüm Maqomayev adına Azərbaycan Dövlət Akademik Filarmoniyasının səhnəsində Üzeyir Hacıbəyli adına Azərbaycan Dövlət Simfonik Orkestrinin və Bakı Kamera Orkestrinin (bədii rəhbər Xalq artisti, professor Fərhad Bədəlbəyli, direktoru Azərbaycan Respublikasının Xalq artisti, professor Yeganə Axundova) konserti keçirilmişdir.

    Gecədə Əməkdar artist Fuad İbrahimovun rəhbərliyi ilə SSRİ-nin Xalq artisti Fərhad Bədəlbəyli və Azərbaycan Respublikasının Xalq artisti Murad Adıgözəlzadə rəngarəng konsert proqramı ilə çıxış etmişlər. 

    Konsertdə İ.S.Baxın  İki piano və orkestr üçün C-dur Konserti, Y.Haydnın Piano və orkestr üçün D-dur, op.21 №11 Konserti, V.Mustafazadənin Piano və orkestr üçün Konserti, S.Raxmaninovun İki piano və orkestr üçün op.17 №2 Süitası, (II.Vals, III.Romans, IV.Tarantella)  dinləyicilərə təqdim olunmuşdur.

    Konsertin birinci hissəsində Fərhad Bədəlbəyli bu dünyanı tərk etmiş yaxınlarına həsr etdiyi “Adajio” əsərinə dirijorluq etmişdir.

    Y.Haydnın D dur konsertinin Azərbaycan Respublikasının Xalq Artisti Murad Adıgözəlzadə tərəfindən ifası və eyni zamanda Azərbaycan fortepiano məktəbinin görkəmli nümayəndəsi Fərhad Bədəlbəylinin dirijor kimi tamaşaçılar qarşısında çıxış etməsi dinləyicilər üçün xoş sürpriz oldu.

    Gurultulu alqışlardan sonra Fərhad Bədəlbəyli və Murad Adıgözəlzadə hər kəsin sevdiyi "Dəniz" əsərini dinləyicilərə təqdim etdilər.