• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    14 iyun 2022-ci il

     14 iyun 2022-ci il tarixində Rusiya Federasiyası ilə Azərbaycan Respublikası arasında diplomatik münasibətlərin qurulmasının 30-cu ildönümünün qeyd edilməsi çərçivəsində Bakıdakı Rus Evində Rusiya Gününə həsr olunmuş Rusiya Coğrafiya Cəmiyyətinin “Ən gözəl ölkə” sərgisi və Üzeyir Hacıbəyli adına Bakı Musiqi Akademiyasının konserti keçirildi.

    Konsert proqramının təşkilatçısı və aparıcısı sənətşünaslıq üzrə fəlsəfə doktoru, BMA-nın baş müəllimi Alyonaİnyakina olub. Konsert proqramında əsərlərin çoxusu onun ifasında səsləndirildi.

    Təntənəli gecə iki ölkənin dövlət himnlərinin səsləndirilməsi ilə açılıb.

    Tədbirin əvvəlində Rusiyanın Azərbaycandakı fövqəladə və səlahiyyətli səfiri Mixail Boçarnikov açılış nitqi ilə çıxış edib.

    Musiqili gecədə tamaşaçılar Azərbaycan, rus və xarici bəstəkarların klassik və estrada əsərlərini zövq ala bildilər.

    Konsert proqramında Azərbaycanın əməkdar artisti Anton Ferştandt, BMA-nın konsertmeysterləri Dilarə Kərimova və Ülviyyə Əliyeva, Dövlət Akademik Filarmoniyasının artisti Fərhad Ələkbərov, Q.Qarayev adına Azərbaycan Dövlət Kamera orkestrinin solisti Leyla Kərimova, Niyazi adına Simfonik Orkestrin solisti,  BMA-nın  baş müəllimi Lalə Muxtarova, beynəlxalq müsabiqələr laureatı Kamilla İmanova, BMA-nın məzunu Almaz Şahbazlı, BMA-nın tələbəsi Atefe Qarabaği, Sərdar Serderov iştirak ediblər.

    Musiqiçilərin ifasında T.Quliyevin “Bakı haqqında mahnı” və “Sevgi valsı” mahnıları, Mixail Qlinkanın “Lark” əsəri, Pyotr Çaykovskinin “Благословляю вас, леса”, Sergey Raxmaninovun “Полюбила я” romansını, Aleksandr Borodinin "Knyaz İqor" operasından “İqorun Ariya”sı, Pyotr Çaykovskinin "İolanta" operasından İolantanın ariozosu, Aleksandra Paxmutovanın "Нежность" və "Надежда" mahnıları, Ennio Morikkonenin "Cinema di Paradiso" filmindən sevgi mövzusu, Olafür Arnaldsın "Saman" kompozisiyası səsləndirildi.

    Konsertin sonunda “Rus Evi”nin rəhbəri İrek Zinnurov təntənəli gecədə iştirak edən musiqiçilərə diplomlar təqdim edib.

    Qeyd edək ki, tədbirdə diplomatik korpusun nümayəndələri, Azərbaycanın mədəniyyət xadimləri, eləcə də dövlət, ictimaiyyət, gənclər təşkilatlarının, elm və təhsil müəssisələrinin, işgüzar dairələrin nümayəndələri iştirak ediblər.