• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

     

    Azər Dadaşov adına pianoçuların IV Beynəlxalq müsabiqəsini

      

    Azərbaycan Bəstəkarlar İttifaqı
    Üzeyir Hacıbəyli adına Bakı Musiqi Akademiyası
    Azər Dadaşov adına pianoçuların
    IV Beynəlxalq müsabiqəsini
    ELAN EDİR

     

    Müsabiqə 22-25 aprel 2019-cu il tarixlərində Bakı şəhərində keçiriləcək.


    Müsabiqə 3 mərhələdən ibarətdir. İştirakçılar 2 yaş qrupuna bölünür:
    I qrup- 16 yaşadək
    II qrup – 16 yaşdan yuxarı.
    Müsabiqədə iştirak etmək istəyən pianoçular 1 aprel 2019-cu il tarixinə qədər
    öz sənədlərini BMA-ya təqdim etməlidirlər ( Tel: (012) 493-79-04).
    LAZIM OLAN SƏNƏDLƏR: Ərizə, 2ədəd 13x18 ölçülü şəkil, doğum haqqında şəhadətnamə, xasiyyətnamə, bütün mərhələlər üzrə ifa olunacaq proqram.
    Təşkilat komitəsinin sədri - Azərbaycan Bəstəkarlar İttifaqının sədri , Xalq artisti, UNESCO-nun “Sülh artisti”, professor Firəngiz Əlizadə.
    Müsabiqənin sədri – Üzeyir Hacıbəyli adına Bakı Musiqi Akademiyasının rektoru, SSRİ-nin və Azərbaycanın Xalq artisti ,Dövlət Mükafatı Laureatı, Şöhrət Ordenli , professor Fərhad Bədəlbəyli.
    Müsabiqənin cədvəli:
    I mərhələ
    22 aprel , saat 10.00 – 16 yaşadək iştirakçılar. Azərbaycan Bəstəkarlar İttifaqının Ü.Hacıbəyli adına zalı ( Xaqani küç.55)
    23 aprel , saat 10.00 - 16 yaşdan yuxarı iştirakçılar. Azərbaycan Bəstəkarlar İttifaqının Ü.Hacıbəyli adına zalı ( Xaqani küç.55)
    II mərhələ
    24 aprel , saat 10.00 - Azərbaycan Bəstəkarlar İttifaqının Ü.Hacıbəyli adına zalı ( Xaqani küç.55)
    III mərhələ
    25 aprel , saat 10.00 – Ü.Hacıbəyli adına Bakı Musiqi Akademiyasının Böyük zalı (Ş.Bədəlbəyli küç.98)
    25 aprel , saat 17.00 – Müsabiqə qaliblərinin mükafatlandırılması və Qala konsert.
    MÜSABİQƏNİN PROQRAMI:
    I mərhələ
    1. İ.S.Bax, Y.Haydn, V.A.Motsart və ya L.V.Betxovenin əsərlərindən biri.
    2. Azər Dadaşovun “Çiçəkçin” (7 rəqs), “6 miniatür”, “6 qəmli pyes”, “6 prelüd”, “Atmacalar” (6 konsert pyesi) silsilələrindən və ya Sonatina n.1, Sonatina n. 2, Sonatina n.3 əsərlərindən biri.
    Əsərlərin hər hansı bir hissəsinin ifası məqbul sayılır.

    II mərhələ
    1. Romantizm və ya impressionizm dövr bəstəkarlarının əsərlərindən biri
    2. A.Dadaşovun pyeslərindən biri (“Baqatel”, “Şən rəqs”, “Alliluya”, “Fəzanın təranəsi”). İştirakçı seçimindən asılı olaraq 1,2,3 və ya bütün pyesləri ifa edə bilər.
    III mərhələ
    1. A.Dadaşovun – N.1,2,3 konsertlərindən biri və ya fortepiano və kamera orkestri üçün “Poema”-nın ifası.

    Müsabiqənin şərtləri:
    Qaliblər münsiflər heyəti tərəfindən müəyyən edilir və bu qərar protokol ilə təsdiq olunur.
    Müsabiqənin qalibləri diplom, xüsusi hədiyyələr və pul mükafatı ilə təltif olunurlar.
    I yer – 1000 manat və I dərəcəli diplom
    II yer- 800 manat və II dərəcəli diplom
    III yer -600 manat və III dərəcəli diplom
    Dövlət və ictimai müəssisələr, fərdi şəxslər qaliblərə öz hədiyyələrini təqdim edə bilərlər.
    Bütün müsabiqə iştirakçıları xüsusi sertifikat və xatirə medalları ilə təltif olunurlar.