• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    Beynəlxalq Türk Mədəniyyəti və İrsi Fondu və Üzeyir Hacıbəyli adına  Bakı Musiqi Akademiyası arasında Anlaşma Memorandumunun imzalanması mərasiminin keçirilməsinə dair

     

     

    Press Reliz

    ( Bakı, 7 aprel 2023-cü il saat - 14:30)

    Yer: Üzeyir Hacıbəyli adına Bakı Musiqi Akademiyası

     

    7 aprel 2023-cü il tarixində saat 14:30-da Beynəlxalq Türk Mədəniyyəti və İrsi Fondu və Üzeyir Hacıbəyli adına Bakı Musiqi Akademiyası arasında Anlaşma Memorandumunun imzalanması mərasimi keçiriləcəkdir.

    Beynəlxalq Türk Mədəniyyəti və İrsi Fondu ümumtürk irsinin qorunması, dünyada təbliği və gələcək nəsillərə ötürülməsi istiqamətində fəaliyyət göstərməkdədir. Fond tərəfindən Bakı Musiqi Akademiyası ilə birgə əməkdaşlığın gücləndirilməsi yönündə imzalanan Anlaşma Memorandumu Türk dövlətlərinin Ali musiqi təhsil müəssisələri arasında qarşılıqlı əlaqələrin və mədəni mübadilələrin yaradılmasına, Türk Dünyasının musiqisinin inkişafına, eləcə də beynəlxalq səviyyədə tanıdılmasına töhfə vermək məqsədini daşıyır.

    Tədbirdə Fonda üzv və müşahidəçi ölkələrin səfirləri, Türk Əməkdaşlıq Təşkilatlarının rəhbər və nümayəndələri, tanınmış mədəniyyət və incəsənət xadimləri iştirak edəcəklər. Tədbirin rəsmi hissəsi Beynəlxalq Türk Mədəniyyəti və İrsi Fondunun prezidenti Günay Əfəndiyevanın və Üzeyir Hacıbəyli adına Bakı Musiqi Akademiyasının rektoru Fərhad Bədəlbəylinin giriş sözləri ilə açılacaqdır.

    Tədbirin bədii hissəsində Bakı Musiqi Akademiyasının tələbələri tərəfindən Türk xalqlarının milli musiqisi ifa ediləcək, mahnıları səsləndiriləcəkdir.