• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    17 iyun 2026-cı il

    İyunun 16–17-də Üzeyir Hacıbəyli adına Bakı Musiqi Akademiyasının Tarix-nəzəriyyə fakültəsində bakalavr pilləsində təhsil alan musiqişünas tələbələrin buraxılış imtahanları keçirilib.

    Bu il məzunlar arasında ilk dəfə olaraq "SABAH" qruplarında təhsil alan tələbələr də yer alıblar. Buraxılış işləri mövzu müxtəlifliyi və aktuallığı ilə diqqət çəkib. Tələbələr araşdırmalarını prezentasiyalarla müşayiət edərək seçdikləri mövzulara kifayət qədər yaxşı bələd olduqlarını nümayiş etdiriblər.Bu hazırlıq və mövzuya hakimlik komissiya üzvlərinin suallarının cavablandırılması zamanı da özünü aydın şəkildə göstərib. Çıxışlarda araşdırmaların elmi əhəmiyyəti, musiqişünaslıq elminə verdiyi töhfələr və praktik əhəmiyyəti xüsusi vurğulanıb.

    Buraxılış imtahanı komissiyasına Bakı Musiqi Kollecinin Qiymətləndirmə və monitorinq şöbəsinin müdiri, sənətşünaslıq üzrə fəlsəfə doktoru Sevinc Seyidova sədrlik edib. İmtahanlar yüksək təşkilatçılıq səviyyəsində keçib, tələbələrin nəzəri bilikləri, analitik düşüncə qabiliyyətləri və tədqiqat bacarıqları komissiya tərəfindən müsbət qiymətləndirilib.  Buraxılış işlərinin müdafiəsi gənc musiqişünasların gələcək peşəkar və elmi fəaliyyətində əhəmiyyətli mərhələ olacağına,  onların sonrakı nailiyyətləri üçün zəmin yaradacağına inam ifadə etmək imkanı verib.

    Back to Top