Azərbaycan Milli Konservatoriyasında II kurs magistrantlarının "Musiqişünaslıq" və "Etnomusiqişünaslıq" ixtisasları üzrə Dövlət Yekun Attestasiyası keçirilmişdir.

Dövlət Attestasiya Komissiyasına Ü. Hacıbəyli adına BMA-nın professoru, Musiqi nəzəriyyəsi kafedrasının müdiri, Əməkdar müəllim, sənətşünaslıq üzrə fəlsəfə doktoru Könül Nəsirova sədrlik etmişdir.

Komissiyanın tərkibinə Əməkdar incəsənət xadimi, sənətşünaslıq üzrə fəlsəfə doktoru, professor Lalə Hüseynova, Əməkdar incəsənət xadimi, sənətşünaslıq üzrə fəlsəfə doktoru, professor Akif Quliyev, AMK-nın professoru, sənətşünaslıq üzrə fəlsəfə doktoru Jalə Qulamova, sənətşünaslıq üzrə fəlsəfə doktoru, müəllim Gülnarə Mahafova daxil olmuşlar.

Dövlət Yekun Attestasiyası zamanı magistrantlar təhsil müddətində qazandıqları nəzəri bilikləri, elmi-tədqiqat bacarıqlarını və peşə hazırlığını uğurla nümayiş etdirmişlər. Onlar komissiya üzvlərinin suallarını cavablandıraraq musiqişünaslıq və etnomusiqişünaslıq sahələrində müasir elmi yanaşmalara bələd olduqlarını göstərmişlər.

Dövlət Yekun Attestasiyası mövcud qaydalara və akademik tələblərə uyğun, yüksək təşkilatçılıq şəraitində keçirilmiş və uğurla başa çatmışdır.