Üzeyir Hacıbəyli adına Bakı Musiqi Akademiyasında 26-27 aprel 2023-cü il tarixlərində  keçiriləcək “Azərbaycan musiqi mədəniyyətinin inkişafında Heydər Əliyevin rolu” adlı Respublika elmi-praktiki  konfransı, 2023-cü ilin “Heydər Əliyev ili” elan edilməsi haqqında Azərbaycan Respublikası Prezidenti İlham Əliyevin  29 sentyabr 2022-ci il tarixli sərəncamına əsasən Ümummilli lider Heydər Əliyevin 100 illik yubileyinə  həsr olunmuşdur.   

Konfransdan öncə Ü. Hacıbəyli adına BMA-nın “Şifahi ənənəli Azərbaycan professional musiqisi və onun yeni istiqamətlərinin tədqiqi: Orqanologiya və Akustika” elmi - tədqiqat laboratoriyasının  əməkdaşları Xalqımızın xilaskar oğlunun məzarını ziyarət etmək üçün Fəxri xiyabana gedərək, Ümummilli lider Heydər Əliyevin məzarı önünə gül dəstələri  qoyaraq, Ulu Öndərin xatirəsini ehtiramla andılar.

Sonra  görkəmli oftalmoloq-alim, akademik Zərifə xanım Əliyevanın xatirəsi ehtiramla anıldı.     

Ümummilli lider Heydər Əliyevin məzarının ziyarət olunması mərasimində elmi-tədqiqat laboratoriyasının əməkdaşları, laboratoriyanın müdiri, sənətşünaslıq üzrə fəlsəfə doktoru, dosent N.İsmayılzadə,  Xalq artisti, professor R.Quliyev, Xalq artisti, dosent Z.Məmmədova, Əməkdar incəsənət xadimi, sənətşünaslıq üzrə fəlsəfə doktoru, professor A.Əsədullayev, BMA-nın Həmkarlar İttifaqının sədri, pedaqoqika üzrə fəlsəfə doktoru, Əməkdar müəllim,  dosent  Aqil Qafulov və başqaları iştirak etdilər. 

 

Mehparə Rzayeva

dosent, sənətşünaslıq üzrə fəlsəfə doktoru,

 aparıcı elmi işçi.