• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    6 oktyabr  2023-cü il

    6 oktyabr 2023-cü il tarixində Üzeyir Hacıbəyli adına Bakı Musiqi Akademiyasında dünyaşöhrətli bəstəkar Arif Məlikovun 90 illiyinə həsr olunmuş “Tarix-nəzəriyyə” fakültəsinin lll kurs tələbələrinin Konfransı keçirildi.

    Konfransda tələbələr-Aytac Vəliyeva  “Arif Məlikov yaradıcılığına bir nəzər”, Aydan Şərifova  “Arif Məlikovun balet yaradıcılığı”, Humay Kazımova “Arif Məlikovun simfonik yaradıcılığı”, Aynur Hüseynli  “Arif Melikovun pedaqoji fəaliyyəti”, (Nazim Hikmetin "Oказывается,я люблю" şeiri), Aytac Eyvazova “Arif Məlikovun rəssamlıq fəaliyyətinə dair”, Esmira Qurbanova - “Arif Məlikovun ictimai fəaliyyətinə bir nəzər”, Ləman Abulzadə - “Arif Məlikovun  kinofilmlərə yazılan musiqisi” -görkəmli bəstəkarın çoxşaxəli yaradıcılığını əks etdirən maraqlı mövzularla  çıxış etdilər.

    Çıxışlararası musiqi nömrələri  səsləndirildi. 

    Bədii hissədə Gülcan İsmayılova A.Məlikovun 1 saylı Prelüdü, Əli Cəfərzadə  “Komdenin arzuları” (Violada Humay Hacızadə) və bəstəkar Ayaz Qəmbərlinin “Hüzn” fortepiano əsərini, Aytel Məmmədova isə A. Məlikovun 3 saylı Prelüdünü dinləyicilərə təqdim  etdilər.

    Sonra A.Məlikovun istedadlı tələbəsi, BMA-nın dosenti Gülnarə Məmmədova bəstəkarla bağlı xoş xatirələrini hər kəslə bölüşdü, görkəmli musiqiçinin mükəmməl müəllim olmaqdan savayı, həm də yüksək insani keyfiyyətləri özündə cəmləşdirən bir şəxsiyyət olduğunu qeyd etdi.

    Sonda “Musiqi tarixi” kafedrasının baş müəllimi, sənətşünaslıq üzrə fəlsəfə doktoru Minaxanım Babayeva da Arif Məlikovun musiqi mədəniyyətimizdəki əvəzsiz xidmətlərindən bəhs edib, BMA-nın rəhbərliyinə, konfrans iştirakçılarına təşəkkürünü bildirdi.

    Konfrans hər kəs tərəfindən böyük maraqla qarşılandı.

    Back to Top