7 noyabr 2025-ci il tarixində Üzeyir Hacıbəyli adına Bakı Musiqi Akademiyasının Tələbə Elmi Cəmiyyəti (sədr: sənətşünaslıq üzrə fəlsəfə doktoru, dosent Minaxanım Babayeva) İkinci Qarabağ müharibəsində qazanılmış parlaq Zəfərin 5 illiyinə həsr olunmuş “İlhamlı qələbə” adlı tədbir keçirmişdir.

Konfrans-tədbir Azərbaycan Respublikasının Dövlət Himninin səsləndirilməsi ilə açıq elan olundu, daha sonra şəhidlərimizin əziz xatirəsi bir dəqiqəlik sükutla yad edildi və tələbələrin çıxışlarına keçid verildi.

Tədbir çərçivəsində İkinci Qarabağ müharibəsinin möhtəşəm qələbəsinə həsr olunmuş maraqlı video-slayd nümayiş etdirildi. Tələbələrin məruzələri zamanı təqdim olunan video-görüntülər tədbirə xüsusi emosional təsir və rəngarənglik qatdı.

Tədbirdə “Tarix-nəzəriyyə” fakültəsinin tələbələri —

Rəfizadə Ayşən (“Qarabağ Azərbaycandır”),

Mustafayeva Neyjən (“Qarabağ məktəbinin görkəmli musiqiçiləri”),

Məmmədova Nəzrin (“Azadlığa gedən yol”),

Ağaməmmədova Nübar (“Düşmən həmləsinə qarşı mübarizə”),

Hüseynova Dürnisə (“Unudulmayan tarix – Xocalı”),

Əhmədova Gülcan (“Parlaq qələbəyə doğru”),

Nəbili Nigar (“Qalib Azərbaycan”) çıxış etdilər.

Məruzələrlə yanaşı, tədbirdə BMA-nın “Solo oxuma” kafedrasının (“İfaçılıq” fakültəsi) II kurs tələbəsi Şöhrət İsmayılov (müşayiət: A. Rəfizadə) A. Zeynallının “Ölkəm” romansını, “Fortepiano” fakültəsinin II kurs tələbəsi Ayşə Məmmədova isə Xocalı faciəsinə həsr etdiyi “Yarım qalan arzular” adlı kompozisiyanı ifa etmişdir.

Tədbirdə həmçinin Azərbaycan Dövlət Mədəniyyət və İncəsənət Universitetinin (ADMİU) tələbələri —

Əliyeva Ayan (xanəndə),

Hümmətov Nəriman (xanəndə),

Baqdayev Musa (tar),

Dünyamalıyev Əli (I kurs, kamança),

Zərbəliyev Eldar (nağara) tərəfindən ifa olunan “Qarabağ şikəstəsi” səsləndirilmişdir.

Tədbir professor-müəllim heyətinin və tələbələrin böyük marağına səbəb olmuş, sonda gur alqışlarla yekunlaşmışdır.