• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    27 oktyabr 2026-cı il

    27 oktyabr 2026-cı il tarixində BMA-nın "Humanitar fənlər" kafedrasının iclası keçirildi. İclasda kafedra üzvləri, "İfaçılıq" fakültəsinin dekanı, professor N. Abbaszadə iştirak edirdilər.

    İclasa  BMA-nın Tədris işləri üzrə prorektoru, professor N. Quliyeva   sədrlik edirdi. Prof. N. Quliyeva "Humanitar fənlər" kafedrasının müdiri, professor Tərlan Quliyevin vəfatından kədərləndiklərini, onun dəyərli elmi əsərlərin müəllifi, BMA-nın elmi və ictimai həyatında önəmli yeri olduğunu, təcrübəli pedaqoq olmaqla yanaşı professor-müəllim heyətinin, tələbələrin sevgisini qazandığını bildirdi. İclas iştirakçıları professor Tərlan Quliyevə Allahdan rəhmət dilədilər. Sədr, professor N.Quliyeva "Humanitar fənlər"  kafedrasının rəhbərliyinə əvəzedici olaraq seçkilərə qədər 3 ay müddətində fil. üzrə. f. d. Y. Quliyevanın namizədliyini məsləhət gördü. İclas iştirakçıları Y. Quliyevanın namizədliyini dəstəklədilər. Bundan sonra prof. N. Quliyeva "Azərbaycan Mədəniyyəti-2040" Azərbaycan Respublikasının Mədəniyyət Konsepsiyasından irəli gələn məsələlərdə kafedra üzvlərinin fəal iştirak etmələrini tövsiyə etdi.

    Back to Top