• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    4 aprel 2022-ci il

    4 aprel 2022-ci il tarixində Müslüm Maqomayev adına Azərbaycan Dövlət Akademik Filarmoniyasında Rusiya Federasiyası ilə Azərbaycan Respublikası arasında Diplomatik münasibətlərin qurulmasının 30 illiyinə həsr olunmuş konsert keçirildi.

    Təntənəli tədbirdə çıxış üçün söz Rusiya Federasiyasının Azərbaycan Respublikasındakı fövqəladə və səlahiyyətli səfiri Mixail Boçarnikov və Xarici işlər nazirinin müavini Fariz Rzayevə verildi.

    Konsertdə Azərbaycan Respublikasının  Xalq artisti, bədii rəhbər və baş dirijor Fəxrəddin Kərimovun rəhbərliyi altında Q.Qarayev adına Azərbaycan Dövlət Kamera orkestri müxtəlif solistlər ilə çıxış etdi. Bu solistlərin sırasında Üzeyir Hacıbəyli adına Bakı Musiqi Akademiyasının "Solo oxuma və opera hazırlığı" kafedrasının baş müəllimi, Əməkdar artist, sənətşünalıq üzrə fəlsəfə doktoru İlham Nəzərov,  BMA-nın müəllimi Əməkdar artist Fəridə Məmmədova da yer almışdır. Onlar parlaq ifalarını dinləyicilərə təqdim etdilər.

    Bu axşam konsert proqramında P.İ.Çaykovski, O.Zülfüqarov, F.Əmirov, N.Rimski-Korsakov, Q.Qarayev, Q.Svirodov, V.Solovyov-Sedoy, M.Maqomayevin əsərləri səsləndirildi.

     Tamaşaçıların könlünü oxşayan konsert gurultulu alqış sədaları altında başa çatdı.

    Qeyd edək ki, konsertdə qonaq qismində  Azərbaycan Respublikası Prezidentinin köməkçisi, Heydər Əliyev Fondunun icraçı direktoru Anar Ələkbərov, Azərbaycan Respublikasının Təhsil Nazirliyi, Mədəniyyət Nazirliklərinin və müxtəlif ölkələrin diplomatik korpusunun nümayəndələri də iştirak edirdi.