• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    13 aprel 2022-ci il

    13 aprel 2022-ci il tarixində Üzeyir Hacıbəyli adına Bakı Musiqi Akademiyasının Böyük zalında Almaniyanın Trossingen Dövlət Universitetinin doktorantı, prezident təqaüdçüsü, Beynəlxalq müsabiqələr laureatı Murad Abasovun konserti keçirildi.

     "Şopen musiqi axşamı" adlı konsertdə istedadlı pianoçu M.Abasovun ifasında romantizm dövrünün görkəmli bəstəkarlarından olan Friderik Şopenin əsrarəngiz musiqisi dinləyicələrə xoş ovqat bəxş etdi.

    Belə ki, konsert proqramında F.Şopenin "Ballada" op.23 N.1 g moll, Prelüdlər N.22 g moll, N.23 F dur, N.24 d moll, Etüdlər op.10 N.1 C dur, N.6 es moll, N.12 c moll, Sonata N.2 op.35, Vals Es dur əsərləri gənc ifaçı xüsusi peşəkarlıqla ifa olundu.

    Tədbir tamaşaçıların gurultulu alqışları ilə başa çatdı.

    Qeyd edək ki, "Şopen musiqi axşamı" adlı konsert Ü.Hacıbəyli Bakı Musiqi Akademiyasının 100 illik yubileyinə həsr olunmuşdur.