• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    21 sentyabr 2022-ci il

    21 sentyabr 2022-ci il tarixində Üzeyir Hacıbəyli adına Bakı Musiqi Akademiyasının Böyük Zalında XIV Üzeyir Hacıbəyli Beynəlxalq Musiqi Festivalı çərçivəsində Vyana şəhərində keçirilən "Odlar Yurdunun Səsləri" Beynəlxalq Klassik Musiqi Festivalının qalibləri olan  ifaçılıq sənətinin  gənc ulduzlarının konserti keçirildi.

    Tədbirin əvvəlində auditoriya qarşısında çıxış edən Azərbaycanın xalq artisti, BMA-nın Beynəlxalq əlaqələr və sosial məsələlər üzrə prorektoru, professor Yeganə Axundova qonaqları salamlayaraq, istedadlı pianoçuları dinləyicilərə təqdim etdi və onlarla BMA-da görüşməkdən şad olduğunu vurğuladı.

    Vyana Operettası əsərinə görə  Virciniya Yaradıcılıq İncəsənət Mərkəzinin təqaüdçüsü Aleksandr Mariya Vaqner (Almaniya) və Veymarda F.List Beynəlxalq Musiqi Müsabiqəsinin və Zalsburq şəhərində keçirilən Mozarteum Yay Akademiyasının laureatı Qriqorius İoannu (Yunanıstan) səhnədə solo ifalarını  təqdim etdilər.

    A.M.Vaqner Volfqanq Amadey Motsartın N.11 A-dur sonatasını, Tofiq Quliyevin “Cəmilənin albomu”nu və həmçinin öz bəstəsi "Miniatür über Mohn" əsərlərini ifa etdi. Həmin gün Q.İoannou Ferens Listin “Mefisto-vals” N.1, Friderik Şopenin Noktürn N.1 op.48, C.Psatosun “Jettatura”, Üzeyir Hacıbəylinin “Sənsiz”, Sergey Prokofyevin N.7 op.83 sonatasını tamaşaçıların diqqətinə təqdim etdi.

    Müxtəlif milli məktəb, üslub və tarixi dövrlərin bəstəkarlarının əsərlərindən ibarət rəngarəng proqram təqdim edən gənc musiqiçilərin incə təfsiri və virtuoz texnikası Bakı dinləyicilərinin yaddaşında hələ uzun müddət qalacaqdır.

    Konsert tamaşaçıların gurultulu alqışları ilə sona çatdı.

    Back to Top