• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    13 dekabr 2022-ci il

    13 dekabr 2022-ci il tarixində Bakıdakı Rus Evində Teymur Atayevin “Dmitri Şostakoviçin son bəstələri” kitabının təqdimatı və Üzeyir Hacıbəyli adına Bakı Musiqi Akademiyasının konserti keçirildi.

    Gecənin əvvəlində Bakıdakı Rus Evinin rəhbəri İrek Zinnurov kitabın müəllifi, Azərbaycan tarixçisi, politoloqu, publisist, geosiyasət, din, ədəbiyyat və incəsənət ilə bağlı araşdırmalarla məşğul olan Teymur Atayevi təqdim edərək salamlama nitqi ilə çıxış etdi. Kitabın təqdimatı sənətşünaslıq üzrə fəlsəfə doktoru, BMA-nın baş müəllimi Alyona İnyakinanın hazırladığı konsert proqramı ilə iç-içə oldu. Tədbirdə A.İnyakina D.Şostakoviç şəxsiyyətinin Azərbaycan musiqisi ilə sıx bağlılığından söz açdı.

    Musiqili gecənin proqramına Dmitri Şostakoviçin, eləcə də onun sinfinin məzunları, görkəmli Azərbaycan bəstəkarları Qara Qarayev və Elmira Nəzirovanın əsərləri daxil edilmişdir.

    Konsertdə  Alyona İnyakina, Azərbaycanın Əməkdar artisti Anton Ferştandt, BMA-nın baş müəllimi, beynəlxalq müsabiqələr laureatı Lalə Muxtarova, BMA-nın müəllimi Nərgiz Kəngərli, BMA-nın konsertmeysteri Dilarə Kərimova, M.Maqomayev adına Azərbaycan Dövlət Akademik Filarmoniyasının Dövlət Xor Kapellasının artisti  Kamilla İmanova, Azərbaycan Akademik Opera və Balet Teatrının artisti Ruslan Persan, həmçinin BMA-nın tələbələri Nəriman Məsimov, Erol Rzayev, Zərrin Əliyeva, Osman Mustafazadə, Humay Hacızadə çıxış etdilər.

    Konsertdə Rusiyanın Azərbaycan Respublikasındakı səfirliyinin nümayəndələri də qonaq qismində iştirak etmişdilər.

    Back to Top