25 sentyabr 2024-cü il tarixində Kamera və Orqan Musiqi Zalının səhnəsində Üzeyir Hacıbəyli XVI Beynəlxalq Musiqi Festivalı çərçivəsində “Detaşe” violinoçular ansamblının (bədii rəhbər Xalq artisti Zəhra Quliyeva) konserti keçirildi.

Azərbaycan Respublikasının Xalq artisti, Ü.Hacıbəyli adına Bakı Musiqi Akademiyasının professoru Zəhra Quliyevanın rəhbərliyi, konsertmeystr Səbinə Muradovanın müşayiəti ilə dinləyicilərə zəngin proqram təqdim olundu.

Konsert proqramında Ü.Hacıbəylinin “Koroğlu” operasından 2 rəqs, A.Dadaşovun “Baxvari”, F.Bədəlbəylinin “İthaf”, A.İbrahimov-Bramonun “Şuşa”, Q.Qarayevin “İldırımlı yollarla” baletindən “Laylay” və “Rəqs”, İ.Yohovu  “Vivaldisayağı”, İ.S.Baxın “Ave Mariya”, İ.Bramsın “Macar rəqsi”, N.Hessin “Pyes”, K.Bomun “Daimi hərəkət”, N.Rubinşteynin “Cəhrə”, T.Quliyevun “Sevgi valsı” və D.Şostakoviçin “Vals” əsərləri səsləndirildi.

Musiqisevənləri bir araya toplayan konsert tədbiri tamaşaçılara əsl musiqi ziyafəti təqdim etmişdir.