• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    7-10 avqust  2025-ci il 

    7-10 avqust 2025-ci il tarixlərində The National Flute Association-ın təşkilatçılığı ilə ABŞ-nin Atlanta şəhərində 53-cü illik qurultay baş tutub. Qurultay çərçivəsində 8 avqust tarixində keçirilən konsertdə əməkdar incəsənət xadimi, professor, Üzeyir Hacıbəyli adına Bakı Musiqi Akademiyasının bəstəkarlıq kafedrasının müdiri Ceyhun Allahverdiyevin fleyta və fortepiano üçün "Süita" əsəri səslənib. Əsəri bir çox nüfuzlu beynəlxalq müsabiqələrin mükafatçıları - fleyta ifaçısı Aleksandr Haskin (Belarus) və pianoçu Beilin Han (Çin) ifa edib.
    13 avqust 2025-ci il tarixində "Gnessin Air на Знаменке" V Beynəlxalq Musiqi Festivalı çərçivəsində Moskva Gnesin adına orta ixtisas musiqi məktəbində keçirilən "Flute Generation XXI" adlı konsertdə də Aleksandr Haskin və pianoçu Roman Martınov (Rusiya) bəstəkarın həmin əsərini səsləndirib.
    Back to Top