Üzeyir Hacıbəyli adına Bakı Musiqi Akademiyasında 14 noyabr 2025-ci il tarixində dahi bəstəkar Üzeyir Hacıbəylinin 140 illik yubileyinə həsr olunan  “Xor-dirijorluq” kafedrasının “Üzeyir irsi - xor musiqisində” adlı təntənəli konsert keçirildi.

Qeyd edək ki, konsertin bədii rəhbəri Xalq artisti, BMA-nın “Xor-dirijorluq” kafedrasının müdiri, professor Gülbacı İmanovadır.

Tədbirdə BMA-nın Birləşmiş tələbə xoru (rəhbər: Əməkdar artist, baş müəllim Naala Baratelia, Musiqi müəllimlərinin xoru ( rəhbər: baş müəllim Cəmilə Abdulzadə), Sabah qruplarının musiqişünaslardan ibarət “Xaribülbül” xoru (rəhbər: Əməkdar müəllim, professor Leyla Məmmədova), Sabah qruplarının instrumental ifaçılıq tələbələrindən ibarət xoru (rəhbər: baş müəllim Dmitri Babayev) çıxış etdilər.

Konsertmeysterlər:

 Leyla İsmayılova, Vəfa Əzizova, Gülşən Mehdiyeva, Nərmin Günəşova

Konsert boyunca tələbələrin ifasında səslənən musiqi nömrələri dahi bəstəkar Üzeyir bəyin musiqi irsinə dərin hörmət duyğuları ilə müşayiət olundu.

Dinləyicilərin ruhunu oxşayan konsert tədbiri tamaşaçılar tərəfindən böyük coşqu ilə qarşılandı.