• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    4 dekabr  2025-ci il 

    Üzeyir Hacıbəyli adına Bakı Musiqi Akademiyasında  04 dekabr 2025-ci il tarixində dahi bəstəkar Üzeyir Hacıbəylinin 140 illik yubileyinə həsr olunmuş təntənəli konsert tədbiri keçirildi. 

     “XX-XXl əsr ifaçılıq repertuarı” fənninin (müəllim Xədicə Rzayeva) tələbələrindən ibarət zəngin konsert proqramı dinləyicilərə təqdim olundu.

    Konsertdə istedadlı tələbələr - Nərgiz Vəlizadə, Sara Marçik, Timur Çernikov, Əli Vəliyev, Əsmər Hacızadə, Fərid Hüseynov, Nuranə Salamova, Ayşən Əliyeva, Nəzrin Mustafazadə, Nuray Allahverdiyeva, Duyğu Həsənli, Aişə Fətəliyeva, Nuray Əliyeva, Gülqayıd Poladova, Ayşən Uğurluyeva, Kənan Rəhmanzadə uğurla çıxış etdilər. 

    Dinləyicilərin ruhunu oxşayan konsert tədbiri tamaşaçılar tərəfindən böyük maraqla qarşılandı. 

    Back to Top