• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    7 fevral 2026-cı il 

    7 fevral 2026-cı il tarixində Üzeyir Hacıbəyli adına Bakı Musiqi Akademiyasının piano ixtisası üzrə tələbələrinin Kamera və Orqan musiqisi zalında “Musiqi Debütü” adlı təntənəli konserti keçirildi.

    Konsertdə iştirak edən solistlər:

    Afət Süleymanova, Fərid Hüseynov, Fidan İbrahimova, Fidan Əmirova, Nuray Əliyeva, Fatimə Məmmədova, Əli Vəliyev, Elçin Məmmədov, Şəkərxanım Cavadzadə, Əliheydər Aydın, İlqarə Talıbova, Əbdüləli Hüseynli uğurla çıxış etdilər.

    Zəngin konsert proqramında Azərbaycan, rus və Avropa bəstəkarlarının əsərləri dinləyicilərə təqdim olundu. 

    Gənc musiqiçilərin məharətli çıxışları tamaşaçıların rəğbətini qazanaraq, hərarətlə qarşılandı. 

    Back to Top