• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    27 iyun 2026-cı il 

    Səsin sərhədlərini aşan bir axşam…

    “Opera Günləri II” festivalı çərçivəsində təqdim olunan “Kontratenor” solo konserti opera sənətinin ən nadir və maraqlı səs növlərindən birini dinləyicilərlə görüşdürdü.

    Əməkdar artist İlham Nəzərov Azərbaycan və dünya bəstəkarlarının əsərlərini özünəməxsus kontratenor səsi ilə təqdim edərək tamaşaçılara unudulmaz musiqi axşamı yaşatdı. Qeyd edək ki, konsert proqramında Ceyhun Allahverdiyev (söz:Maya Heydərqızı) “Dəniz və səma” əsəri də dinləyicilərə təqdim olundu. 

    Konsertdə İlham Nəzərovu Qara Qarayev adına Azərbaycan Dövlət Kamera Orkestri müşayiət etdi. Dirijor – Əməkdar artist Əyyub Quliyev, xüsusi qonaq isə Əməkdar artist Fəridə Məmmədova idi.

    Bu konsert bir daha sübut etdi ki, opera yalnız klassik musiqi deyil, həm də səsin, emosiyanın və səhnə estetikasının heyrətamiz harmoniyasıdır.

    Back to Top