• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    31 mart 2026-cı il

    Bakı Musiqi Akademiyasının kollektivi Qubada anım tədbirində iştirak edib


    Bakı Musiqi Akademiyasının müəllim və tələbə heyəti Quba Soyqırımı Memorial Kompleksini ziyarət edərək 31 Mart soyqırımı qurbanlarının xatirəsini yad edib.
    Ziyarət çərçivəsində kollektiv memorial komplekslə tanış olub, faciə qurbanlarının xatirəsinə ehtiramlarını ifadə ediblər. Daha sonra tədbir iştirakçıları kompleksin ətraf ərazisində təşkil olunan ağacəkmə aksiyasına qoşularaq ekoloji təşəbbüsə dəstək veriblər.
    Qeyd edək ki, bu cür tədbirlər gənc nəsildə tarixi yaddaşın qorunması və vətənpərvərlik ruhunun aşılanması baxımından mühüm əhəmiyyət daşıyır.

    Back to Top