• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    30 may 2026-cı il

    28–30 may 2026-cı il tarixlərində Üzeyir Hacıbəyli adına Bakı Musiqi Akademiyasının Tədris işləri üzrə prorektoru, Əməkdar müəllim, professor Nərminə Quliyeva beynəlxalq akkreditasiya eksperti qismində Kurmanqazı adına Qazaxıstan Milli Konservatoriyasında keçirilən akkreditasiya prosesində iştirak etmişdir.

    Üç gün davam edən akkreditasiya çərçivəsində ali təhsil müəssisəsinin tədris və idarəetmə fəaliyyəti hərtərəfli qiymətləndirilmiş, professor-müəllim heyəti, tələbələr və inzibati əməkdaşlarla müsahibələr aparılmış, maddi-texniki baza ilə tanışlıq keçirilmiş, həmçinin müvafiq sənədlər və tədris proqramları araşdırılmışdır.

    Qiymətləndirmənin nəticələrinə əsasən, Kurmanqazı adına Qazaxıstan Milli Konservatoriyası akkreditasiya tələblərinə cavab verən ali təhsil müəssisəsi kimi uğurla akkreditasiyadan keçmiş hesab olunmuşdur.

    Back to Top