9 oktyabr 2026-cı il
Musiqi sərhədləri aşır, mədəniyyətləri birləşdirir!
Bakı Musiqi Akademiyasında İsveçrə və Azərbaycan musiqi dialoqu baş tutub!
9 oktyabr 2026-cı il tarixində Üzeyir Hacıbəyli adına Bakı Musiqi Akademiyasında İsveçrə ilə Azərbaycan arasında musiqi və mədəniyyət mübadiləsinə həsr olunmuş xüsusi görüş keçirilib.
İsveçrəli musiqiçilərlə Bakı Musiqi Akademiyası və Azərbaycan Milli Konservatoriyasının tələbələrini bir araya gətirən tədbir iki ölkənin musiqi ənənələrinin qarşılıqlı tanıdılması, gənc musiqiçilər arasında yaradıcılıq əlaqələrinin genişləndirilməsi və beynəlxalq mədəni dialoqun inkişafı baxımından əhəmiyyətli olmuşdur.
Canlı musiqi, ənənəvi alətlər və yaradıcı ünsiyyət!
Tədbirdə Xalq artisti, BMA-nın Beynəlxalq əlaqələr və sosial məsələlər üzrə prorektoru, professor Yeganə Axundova ön sözlə çıxış edib, iki ölkə arasında mədəni əlaqələrin möhkəmləndirilməsi yolunda aparılan işləri nəzərə çatdırdı. Sonra sözü İsveçrə Səfirliyinin Missiya Rəhbərinin müavini cənab Guy Bonvin verdi.
Cənab Guy Bonvin də öz növbəsində tamaşaçıları salamlayaraq, təşkil olunan möhtəşəm tədbir üçün Yeganə xanım Axundovaya təşəkkürünü bildirdi.
Tədbir çərçivəsində iştirakçılar canlı musiqi ifalarını dinləyib, ənənəvi musiqi alətləri ilə yaxından tanış olmuşlar.
Görüşün ən maraqlı məqamlarından biri isə musiqiçilərin birgə ifası olub. Müxtəlif musiqi ənənələrinin eyni səhnədə qovuşması bir daha nümayiş etdirib ki, musiqi ortaq dil, mədəniyyətlər arasında körpü və insanları birləşdirən universal sənətdir. ????????
İsveçrə Səfirliyi və Üzeyir Hacıbəyli adına Bakı Musiqi Akademiyasının təşkilatçılığı ilə reallaşan bu görüş beynəlxalq əməkdaşlığın, musiqi təcrübəsinin paylaşılmasının və gənc istedadların inkişafının əhəmiyyətini ön plana çıxarmışdır.
İki ölkə, fərqli musiqi ənənələri, bir ortaq dil — musiqi!
