Üzeyir Hacıbəyli adına Bakı Musiqi Akademiyasının “Konsertmeyster ustalığı” kafedrasında 20 oktyabr 2026-cı il tarixində iclas keçirildi.

İclasda BMA-nın Tədris işləri üzrə prorektoru, professor Nərminə Quliyeva, “Konsertmeyster ustalığı” kafedrasının müdiri professor Gülnarə Acalova və kafedranın müəllimləri iştirak ediblər.

Görüşdə akkreditasiya prosesinə hazırlıq, müvafiq sənədlərin hazırlanması və sistemləşdirilməsi, aralıq imtahanlarının təşkili, qarşıdan gələn 8 Noyabr – Zəfər Günü ilə əlaqədar görüləcək işlərin müzakirəsi, təcrübə ilə bağlı bir çox məsələlər müzakirə edilib. Həmçinin, aralıq imtahanlarının keçirilmə vaxtı müəyyənləşdirilib və imtahan komissiyalarının üzvləri təyin edilib.

İclas zamanı, qarşıdan gələn 8 Noyabr – Zəfər Gününə həsr olunmuş tədbirlərə hazırlıq işləri, nəzərdə tutulan konsertlərin təşkili və həyata keçirilməsi istiqamətində görüləcək işlər ətrafında geniş müzakirələr aparılıb.