• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    13 may 2019-cu il

    Avstriyanın OEAD təşkilatının dəstəyi ilə 13 may 2019-cu il tarixində Landmark otelində "Əməkdaşlıq və Təhsil Səfəri" proqramı çərçivəsində dörd fərqli ali təhsil müəssisəsini təmsil edən (dövlət universitetləri, özəl universitetlər, tətbiqi elmlər universitetləri və müəllimlərin təhsili üzrə universitet kollecləri) 22 nəfərlik eskpert heyətinin ziyarəti və seminarı keçirilib.

    Seminar zamanı Avropa Komissiyası tərəfindən maliyyələşdirilən Erasmus+ International Credit Mobility (KA107 – ICM) və Erasmus+ Capacity Building in Higher Education (KA2 – CBHE) layihələrinin müştərək şəkildə yazılması və digər əməkdaşlıq istiqamətləri müzakirə olunub.
    Keçirilmiş seminarda Azərbaycan ali təhsil müəssisələrindən 27 nümayəndə iştirak edib. Tədbirdə Bakı Musiqi Akademiyasını Beynəlxalq əlaqələr şöbəsinin koordinatoru Zülfiyyə Şəfiyeva və İnformasiya texnologiyaları mütəxəssisi Röya Hüseynova təmsil ediblər. Seminar zamanı Bakı Musiqi Akademiyasının təqdimatı keçirilib, networking sessiyasında isə Avstriyanın ali musiqi təhsil müəssisələri ilə əməkdaşlıq imkanları müzakirə olunub və qarşılıqlı informasiya mübadiləsi həyata keçirilib. Həmçinin, Vyana Musiqi və İncəsənət Universitetinin Beynəlxalq əlaqələr departamentinin layihə meneceri Theresa Aichinger Bakı Musiqi Akademiyasının qonağı olaraq Akademiyanın fəaliyyəti haqqında ətraflı məlumat əldə edib.