• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    10 mart 2022-ci il

    10 mart 2022-ci il tarixində Beynəlxalq Muğam Mərkəzinin “Vokal musiqi axşamları” layihəsi çərçivəsində Əməkdar artist, Azərbaycan Dövlət Akademik Opera və Balet Teatrının solisti Afaq Abbasova və tanınmış pianoçu, Beynəlxalq müsabiqələr laureatı, BMA-nın "Kamera ansamblı" kafedrasının müəllimi Səidə Tağızadənin olduqca maraqlı konserti keçirildi.

    Zəngin repertuara malik konsert proqramında Françesko Çileanın “Adriana Lekuvrer” operasından Adriananın ariyasını, Cakomo Puççininin “Qaranquş” operasından Maqdanın ariyasını, Müslüm Maqomayevin “Nərgiz” operasından Nərgizin ariyasını, Tofiq Kuliyevin “Bakının mahnısı”, “Lirik mahnı”, eləcə də Frederik Şopenin “İnqilabi etüd”, Frans Şubertin “Serenadası” və s. əsərləri tamaşaçılara təqdim edildi

     Qeyd edək ki, Bakı ictimaiyyətinin böyük marağına səbəb olan konsertin biletlərinin satışından əldə olunan gəlir YAŞAT Fonduna köçürüləcəkdir.

    Tamaşaçılara xoş təəssüratlar bəxş edən konsert gurultulu alqışlarla başa çatdı.

    Back to Top