• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    25 aprel 2019-cu il

    Üzeyir Hacıbəyli adına Bakı Musiqi Akademiyasının “Mezzo” Elmi Publisistik İnformasiya jurnalının №21 sayı 2019-cu il buraxılışı çapdan çıxdı.

    Üzeyir Hacıbəyli adına Bakı Musiqi Akademiyasının (BMA) “Mezzo” Elmi Publisistik İnformasiya jurnalının 2019-cu ilin yanvar-fevral-mart buraxılışı, № 21-ci sayı oxucularının diqqətinə təqdim edilib. Ənənəvi olaraq bu sayda da bir-birindən maraqlı məqalələr, xəbərlər öz əksini tapmışdır. Baş redaktoru Sənətşünaslıq üzrə fəlsəfə doktoru Vüqar Hümbətov olan jurnalın bu sayında Əməkdar müəllim, sənətşünaslıq namizədi, professor Leyla Abasquliyeva, Xalq artisti, professor Ülviyyə Hacıbəyova, BMA-nın elmi işçiləri Sahilə Əzizova və Könül Əhmədova, BMA-nın İnformasiya texnologiyaları mütəxəssisi Röya Hüseynova, BMA-nın doktorantı Məhəmməd Vəliyevin qələmindən çıxan məqalələr yer almışdır.
    “Mezzo” jurnalının bu sayında Bakı Musiqi Akademiyasında keçirilən konsertlər, tədbirlər, layihələr, konfranslar, ustad dərsləri öz əksini tapmışdır. Buna misal olaraq Xocalı şəhidlərinin əziz xatirəsinə həsr olunmuş tədbirlər “İnsan və Mühit” İctimai Birliyinin ilk mədəni layihəsi çərçivəsində klassik konsert, 31 mart azərbaycanlıların soyqırımı gününə həsr olunmuş elmi seminar, Azad Əliyevin 90 illik yubileyi münasibətilə violinçuların I Beynəlxalq müsabiqəsi, “Bölünənlər” tamaşasının premyerası, Xalq artisti, professor Zəhra Quliyeva və onun tələbələrinin konserti, “Prometey Bakıda” adlı konsert, Musiqişünas-alim Səadət Abdullayevin xatirəsinə həsr olunmuş tədbir, “Baku Chamber Orchestra”nın “Şnitke. Q.Qarayev. Şostakoviç” adlı müasir musiqi axşamı konserti, BMA-nın Opera studiyasında P.İ.Çaykovskinin “Qaratoxmaq Qadın” operasının səhnələşdirilməsi, 2 Fevral Gənclər günü münasibətilə təşkil olunmuş silsilə tədbirlər, həmçinin Beynəlxalq konfranslar, müəllim və tələbələrimizin uğurları, bir çox yerli və beynəlxalq layihələr, BMA-nın qonaqları, görkəmli bəstəkar və ifaçılarımızın yubiley gecələri, ustad dərsləri, tələbə və məzunlarımızın konsertləri, xəbərlər bölməsi və bir çox məqalələr yer almışdır.
    Hər buraxılışında musiqisevərləri öz ətrafına cəmləyən jurnalın bu sayında da, məzmun etibarilə mühüm məqalələr öz oxucularına təqdim olunub. Jurnalı həmçinin elektron olaraq https://issuu.com/vugarhumbatov səhifəsindən oxumaq mümkündür.

     

    https://issuu.com/vugarhumbatov/docs/mezzo_2019_mart