17 noyabr 2021-ci il
17 noyabr 2021-ci il tarixində Üzeyir Hacıbəyli adına Bakı Musiqi Akademiyasının Q.Qarayev adına Konfrans zalında BMA və Gəncə Dövlət Universiteti ilə birgə "Musiqi müəllimliyi" fakültəsinin tələbələri üçün online şəkildə ustad dərslər keçirildi.
17 noyabr 2020-ci il
“Regionlarda onlayn musiqili ustad dərslərinin təşkili” layihəsinin icrasına başlanmışdır.
26 oktyabr - 06 noyabr 2021-ci il
26 oktyabr - 06 noyabr tarixlərində Azərbaycan Respublikası Mədəniyyət Nazirliyinin Ü.Hacıbəyli adına Bakı Musiqi Akademiyasının 100 illik yubileyinə həsr edilmiş “Jazzery Voices” layihəsi çərçivəsində İliya adına Tbilisi Dövlət Universitetinin estrada-caz fakültəsinin müəllimi, caz tədqiqatçısı, caz ifaçılığı və bəstəçiliyi üzrə fəlsəfə doktoru İrina Ebralidze tərəfindən 1 noyabr 2021-ci il tarixində Üzeyir Hacıbəyli adına Bakı Musiqi Akademiyasının Q.Qarayev adına Konfrans zalında caz-vokal ifaçılığı üzrə “Caz standartları üzərində çalışmanın əsasları” mövzusunda ustad dərsi keçirildi.
29 iyun 2021-ci il
2021-ci iyun ayından Üzeyir Hacıbəyli adına Bakı Musiqi Akademiyası və Azərbaycan Dövlət Mədəniyyət Nazirliyinin birgə təşkilatçılığı ilə "Ustad dərslər" layihəsinə start verildi.
2019-cu il 25 oktyabr tarixində Üzeyir Hacıbəyli adına Bakı Musiqi Akademiyasında Vyana Musiqi Akademiyasının (Avstriya) məzunları olan violonçel ifaçısı, professor Florian Kitt və piano ifaçısı, professor Carlos Rivera Aguilar BMA-nın İfaçılıq fakültəsinin Kamera ansamblı kafedrasının tələbələri ilə ustad dərsi keçirmişdirlər.
21 noyabr 2019-cu il tarixində Bakı Musiqi Akademiyasının Böyük Almaniya orqan ifaçısı Guntel Kennelin ustad dərsi keçirilib.
2019-cu il 20 sentyabr tarixində Üzeyir Hacıbəyli adına Bakı Musiqi Akademiyasının kiçik zalında BMA-nın məzunu, hal-hazırda ABŞ-ın Qərbi Miçiqan Universitetinin müəllimi və Ruzvelt Universitetinin nəzdində İfaçılıq Sənəti Kollecinin Simli Alətlər kafedrasının müdiri, professor İqor Fedotovun ustad dərsi baş tutdu.
Bakı Musiqi Akademiyasının İfaçılıq fakültəsinin “Simli alətlər” kafedrasının II-ci kurs tələbəsi Nicat Bağırov 1-5 iyul 2019-cu il tarixlərində Türkiyənin İstanbul şəhərində II-ci beynalxalq kontrabas ustad dərsində iştirak etmişdir.
24 iyun 2019-cu il tarixində Ü.Hacıbəyli adına Bakı Musiqi Akademiyasının Kiçik Zalında Meksika marimba ifaçısı, Meksika Mədəniyyət və İncəsənət qrantının qalibi Javier Nandayapa tərəfindən Ustad dərsi keçirilib.
4 may 2019-cu il tarixində Üzeyir Hacıbəyli adına Bakı Musiqi Akademiyasının kiçik zalında Budqosk Musiqi Akademiyası və F.Şopen adına Varşava Universitetinin müəllimi Yeva Poblotskinin ustad dərsi keçirilib.
4 aprel 2019-cu il tarixində Kanadalı violonçel ifaçısı, P.İ.Çaykovski adına Moskva Dövlət Konservatoriyasının məzunu, Montreal kamera musiqisi cəmiyyətinin bədii rəhbəri, Montreal Raxmaninov Trosunun təsisçisi Velitçka Yotçeva Üzeyir Hacıbəyli adına Bakı Musiqi Akademiyasının İfaçılıq fakültəsinin tələbəsi ilə ustad dərsi keçib.
8 mart 2019-cu il tarixində Ü.Hacıbəyli adına Bakı Musiqi Akademiyasının Böyük Zalında məşhur violinoçu, pedaqoq, professor Eduard Vulfsonun ustad dərsi keçirilmişdir.
6 mart 2019-ci il tarixində Ü.Hacıbəyli adına Bakı Musiqi Akademiyasının Böyük zalında İsrailin Tel-Əviv Universiteti nəzdində "The Buchmann-Mehta School of Music" məktəbinin Beynəlxalq əlaqələr şöbəsinin rəhbəri, tanınmış violonçel ifaçısı və dirijor Dmitri Yablonski “The Buchmann-Mehta School of Music" məktəbinə qəbul üçün tələbələrin dinləyişini keçirib.
1 mart 2019-cu il tarixində Macarıstanın Azərbaycandakı Səfirliyinin Mədəniyyət məsələləri üzrə attaşesi Mixail Qruber, Macarıstanın İştvan Bokşay adına Reformator Təhsili Mərkəzinin direktoru Papp Kornel və F. List adına Musiqi Akademiyasının müəllimi, tuba ifaçısı Kovacs Zalan Ü.Hacıbəyli adına Bakı Musiqi Akademiyasının qonağı olublar.
27 fevral 2019-cu il tarixində Üzeyir Hacıbəyli adına Bakı Musiqi Akademiyasının Konfrans zalında V.M.Bextereva adına Sankt-Peterburq psixotriya və nevrologiya elmi-tədqiqat institutunun psixiatr-ordinatoru İsmayıl Atayevin “Depresiyalar və musiqi aləmində depresiv reaksiyaların təhlili” mövzusunda mühazirəsi keçirilib.
27 fevral 2019-cu il tarixində Üzeyir Hacıbəyli adına Bakı Musiqi Akademiyasının Kiçik zalında İtaliya pianoçusu, Milan Konservatoriyasının məzunu, FaSolSi Assosiasiyasının təsisçisisi Marko Falossi Üzeyir Hacıbəyli adına Bakı Musiqi Akademiyasının tələbələri ilə ustad dərsi keçib.
© Copyright 2025 Bakı Musiqi Akademiyası