• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    27 dekabr 2022-ci il

    Şərq ölkələrinin mədəniyyətində, incəsənətində adını ilklər sırasına yazdırmağa müvəffəq olmuş azərbaycanlı qadınların sırasında Nəzmiyyə Abbaszadənin məxsusi yeri vardır.

    Əməkdar incəsənət xadimi, Üzeyir Hacıbəyli adına Bakı Musiqi Akademiyasının İfaçılıq fakültəsinin dekanı, professor Nəzmiyyə Abbaszadə məhz ilk azərbaycanlı qadın violonçel ifaçısıdır. 

    Onun musiqi mədəniyyətimizdəki xidmətləri təkcə ifaçılıqla bitmir. Nəzmiyyə xanım  həm də gözəl pedaqoqdur. Pedaqoji fəaliyyəti dövründə onun neçə-neçə tələbələri respublika və beynəxlaq müsabiqələrdə uğurla çıxış etmiş, musiqimizi xarici ölkələrdə layiqincə təmsil etmişlər.

    Belə tələbələrdən biri, Professorun violonçel sinfinin yetirməsi  Ərol Rzayevin  27 oktyabr 2022-ci il tarixində Üzeyir Hacıbəyli adına Bakı Musiqi Akademiyasında solo konserti keçirildi.

    Rəngarəng konsert proqramında Respublika və Beynəlxalq müsabiqələr laureatı Rüstəm Zeylanovun müşayiətilə  Robert Şumanın "Fantaziya"  op.73, Nikkola Paqanininin "Rossini mövzusunda variasiya", Qabriel Faurenin "Apres un reve", Antonin Dvorjakın Violonçel  konserti b moll, op.104 (l hissə) əsərləri dinləyicilərə təqdim olundu.

    İstedadlı gənc ifaçının əsrarəngiz ifası tamaşaçıların zövqünü oxşayaraq, böyük coşqu ilə qarşılandı.

    Back to Top