• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    15 fevral  2023-cü il

    15 fevral 2023-cü il tarixində Müslüm Maqomayev adına Azərbaycan Dövlət Akademik Filarmoniyasının səhnəsində Baku Chamber Orchestranın (bədii rəhbər Xalq artisti, professor Fərhad Bədəlbəyli, direktoru Azərbaycan Respublikasının Xalq artisti, professor Yeganə Axundova) konserti təşkil olundu.

    Gecənin əvvəlində qardaş ölkə Türkiyədə baş vermiş güclü zəlzələ nəticəsində həyatını itirənlərin ruhu bir dəqiqəlik sükutla yad edildi.

    Konsertdə Bakı Chamber Orchestra dirijor Respublika və Beynəlxalq müsabiqələr laureatı Orxan Həşimovun rəhbərliyi ilə çıxış etmişdir.

    Solist Azərbaycan Respublikasının Əməkdar artisti Fəridə Məmmədova (soprano) öz ifasını dinləyicilərə təqdim etdi.

    Musiqili gecədə Ottorino Respiginin "Qədim rəqslər və ariyalar" silsiləsindən simli alətlər üçün üç nömrəli suita P.172, Səs və simlilər üçün "Qürub" P.101 a, Antonin Dvorjakın Simlilər üçün Serenada E dur op.22, Qara Qarayevin "Matəm odası" əsərləri səsləndirilmişdir.

    Tədbir tamaşaçılar tərəfindən böyük rəğbətlə qarşılandı.

    Back to Top