• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    16 mart 2023-cü il

     16 mart 2023-cü il tarixində Azərbaycan Musiqi Mədəniyyəti Dövlət Muzeyində Üzeyir Hacıbəyli adına Bakı Musiqi Akademiyasının "İxtisas Fortepiano" kafedrasının müəllim və tələbələrinin konserti keçirildi.

    "Bahar gəlir" adlı tədbir Ümummilli lider Heydər Əliyevin anadan olmasının 100 illik yubileyinə həsr olunmuşdur.

    Bayram ab-havalı konsert gecəsində Xalq artistləri Ülviyyə Hacıbəyova, Gülnaz İsmayılova, BMA-nın baş müəllimləri Nərgiz Salmanlı, Sevda Məmmədli,  və istedadlı tələbələr Hidayət Sadıqbəyli, Əli Talıbov, Ofeliya Dadaşova, Fatimə Hacızadə, Əsmər Alxazova, Rasimə Abdullayeva parlaq ifaları ilə çıxış etdilər.

    Zəngin konsert proqramında Friderik Şopenin, Cakomo Puççininin, Astor  Piazzolanın,  Üzeyir Hacıbəylinin, Fikrət Əmirovun, Əfrasiyab Bədəlbəylinin, Vasif Adıgözəlovun, Emin Sabitoğlunun, Mehriban Əhmədovanın əsərləri dinləyicilərə böyük zövq bəxş etdi.

    Təntənəli konsert gecəsi tamaşaçıların rəğbətini qazanaraq, gurultulu alqış sədaları altında başa çatdı.