Aprelin 26-da Tatarıstan Respublikasının Azərbaycan Respublikasındakı daimi nümayəndəliyində görkəmli bəstəkar Sofiya Qubaydulinanın xatirəsinə həsr olunmuş "İki dünyanın qızı" konserti keçirilib. 

Tədbir Azərbaycanın tatar icması və Üzeyir Hacıbəyli adına Bakı Musiqi Akademiyası tərəfindən birgə təşkil olunub.

Kuratorlar sənətşünaslıq üzrə fəlsəfə doktoru, BMA-nın baş müəllimi Alena İnyakina və Sülh Səfiri, sülh mədəniyyəti İnstitutunun (UNESCO) "Avropa-Asiya" humanitar və kommersiya layihələri departamentinin direktoru, Azərbaycan Mədəniyyət Assosiasiyasının üzvü Renat İlyazovdur. 

Açılışda Azərbaycanın tatar icmasının sədri, texnika elmləri doktoru, professor, Azərbaycan əmək veteranı Elmira İlyazova və Renat İlyazov tamaşaçıları salamlayıb.

Tədbirin aparıcısı Alyona İnyakina dinləyicilərə inanılmaz dərəcədə titullu və dünyaca məşhur müəllif, adı müasir akademik musiqi sənətinin simvolu olan nadir ləyaqətli və eyni dərəcədə nadir təvazökarlıq sahibi olan S.Qubaydulinanın yaradıcılıq yolu haqqında danışdı. İzləyicilər sənədli salnamənin görüntülərini və bəstəkarın musiqi, yaradıcılıq, sənət və insan haqqında düşüncələrini bölüşdüyü müsahibənin parçalarını da izlədilər.

Konsert proqramında S.Qubaydulinanın beynəlxalq müsabiqələr laureatları - sənətşünaslıq üzrə fəlsəfə doktoru, BMA-nın müəllimi Nərgiz Kəngərli və BMA-nın tələbəsi Nərmin Günəşovanın ifasında fortepiano miniatürləri səsləndirilib, Renat İlyazov və şair, tərcüməçi, Rus xalq poeziyası Akademiyasının üzvü Zaur Cəfərov tərəfindən təqdim olunan klassik şairlərin şeirləri səsləndirilib,balerina və xoreoqraf Natella Kadımovanın ifasında S.Qubaydulina tərəfindən bəstələnən  musiqiyə rəqs nümayiş etdirilib. Konsert zamanı tamaşaçılar tədbirə xüsusi hazırlanmış bir sürpriz gözləyirdilər. Bu, bəstəkarın beynəlxalq müsabiqələr laureatı, Azərbaycan Dövlət Akademik Musiqi Teatrının solisti Yuliya Heydərova və Alyona İnyakinanın ifasında səsləndirdiyi üç vokal miniatürünün Bakı premyerasıdır.