• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    13 sentyabr 2025-ci il 

    Tələbələrimiz ETİHİ Respublika Komitəsi tərəfindən təşkil olunan yay düşərgəsində iştirak etmişlər. 

    8-13 sentyabr 2025-ci il tarixlərində  Elm və Təhsil İşçiləri Həmkarlar İttifaqı Respublika Komitəsi tərəfindən tələbə - gənclər üçün Xaçmaz rayonunun Nabran qəsəbəsində yerləşən Təhsil İstirahət Mərkəzində  “Yay düşərgəsi” keçirilmişdir. Düşərgədə Ü.Hacıbəyli adına Bakı Musiqi Akademiyasının 15 tələbəsi iştirak etmişlər. Bu altı  gün tələbələr üçün maraqlı və əyləncəli keçmiş, iştirakçılar  idman yarışları, intellektual oyunlara, musiqili şou proqramlara qatılmış, Vətən Müharibəsi qəhrəmanı Zaur Hüseynovla və Xalq yazıçısı, Xarici Dillər Universitetinin rektoru, professor Kamal Abdulla ilə görüşlər təşkil olunmuşdur. 

    Yay düşərgəsinin son günü tələbələr ağaçəkmə aksiyasında  iştirak etmişlər.

    Back to Top