Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir.
Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.
Heydər Əliyev
Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.
Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi
əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.
Üzeyir Hacıbəyli
Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın
ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli
binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.
Qara Qarayev
Üzeyir məni özünə xas təmkinlə, çox mehriban bir münasibətlə qarşıladı.
O gündən başlayaraq, ömrünün axırına qədər ölməz sənətkarın hərarətli münasibətini duydum.
İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...
Fikrət Əmirov
25 iyun tarixində Üzeyir Hacıbəyli adına Bakı Musiqi Akademiyasında “Musiqi müəllimliyi” ixtisası tələbələrinin "Konsertmeyster ustalığı" fənni üzrə imtahanı keçirildi.
İmtahan zamanı tələbələrin ifaçılıq bacarıqları kafedra müdiri Əməkdar müəllim, professor Gülnarə Acalova tərəfindən qiymətləndirilmişdir.
Tələbələrimizi uğurla başa vurduqları imtahan münasibətilə təbrik edir, gələcək yaradıcılıq və pedaqoji fəaliyyətlərində yeni nailiyyətlər arzulayırıq.
© Copyright 2026 Bakı Musiqi Akademiyası