• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    28 noyabr 2025-ci il

    İtaliyanın Salerno şəhərində fəaliyyət göstərən Giuseppe Martucci Konservatoriyasının təqdimatı baş tutdu

    28 noyabr 2025-ci il tarixində Üzeyir Hacıbəyli adına Bakı Musiqi Akademiyasında Giuseppe Martucci Konservatoriyasının təqdimatı baş tutdu, BMA professorları, müəllim və tələbə heyəti ilə görüş və fikir mübadiləsi aparıldı. 

    Tədbirdə Xalq artisti, BMA-nın Beynəlxalq əlaqələr və sosial məsələlər üzrə prorektoru, professor Yeganə Axundova ön sözlə çıxış edib, Giuseppe Martucci Konservatoriyasının professor-müəllim və tələbə heyətinə “Dostluq körpüsü” layihəsi çərçivəsində keçirilən konsert və ustad dərslərə görə təşəkkürünü bildirib, sertifikatlar təqdim etdi. 

    Sonra Giuseppe Martucci Musiqi Konservatoriyasının rektoru, professor Fulvıo Artiano da Bakı Musiqi Akademiyasının rəhbərliyi, başda Xalq artisti, professor Fərhad Bədəlbəyli olmaqla, Yeganə Axundovaya və bütün kollektivə təşəkkürünü bildirib, iki ölkə arasında mədəni əlaqələrin möhkənləndirilməsini yüksək dəyərləndirdi, eyni zamanda bu görüşlərin davamlı olmasını arzuladı.

    Tərəflər gələcək birgə layihələr, müəllim və tələbə mübadiləsi, ustad dərsləri və birgə konsert proqramlarının genişləndirilməsi ilə bağlı əməkdaşlıq imkanlarını dəyərləndirdilər.

    Görüş çərçivəsində iki ölkə arasında musiqi irsinin, müasir ifaçılıq ənənələrinin, tədris proseslərinin və tələbə mübadiləsinin inkişaf etdirilməsi istiqamətində müzakirələr aparıldı. Tədbirdə həm professor-müəllim heyətinin təqdimatları, həm də yaradıcı çıxışlar yer aldı.

    Eyni zamanda BMA-nın tələbələrinə maraqlı olan suallar Giuseppe Martucci Musiqi Konservatoriyasının professorları tərəfindən cavablandırıldı.

    Back to Top