• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    30 aprel 2026-cı il 

    Aprelin 30-da Azərbaycan Dövlət Mədəniyyət və İncəsənət Universitetində  “Türksoylu xalqların musiqi mədəniyyətinin tədqiqi problemləri” XXV Beynəlxalq elmi-praktiki konfrans keçirilib.

    Konfransın bölmələrindən biri   müqtədir alim bə pedaqoq, 1976-1989-cu illərdə Ü.Hacıbəyli adına Bakı Musiqi Akademiyasının Musiqi tarixi kafedrasının müdiri kimi çalışmış Aida Tağızadənin (1934-2025) xatirəsinə həsr olunub. Plenar iclasda Zümrüd Dadaşzadə “HOMO MUSICANS (Aida Tağızadənin musiqişünaslıq elminə töhfələri)” mövzusunda məruzə ilə çıxış edib, alimin əsas nailiyyətləri barədə fikirlərimi bölüşüb.BMA konfransda “Musiqi tarixi” kafedrasının daha iki üzvü ilə təmsil olunub. İnna Pazıçeva ustadı Aida Tağızadənin musiqi elmi və təhsilində rolunu işıqlandırıb. Minaxanım Babayeva isə “Türksoylu ölkələrdə musiqi təhsili sisteminin xüsusiyyətləri” mövzusunda məruzəsini təqdim edib.

      

    Back to Top