• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    22 iyul 2026-cı il

    Üzeyir Hacıbəylinin 140 illiyinə həsr olunmuş “Aşıq Ələsgərdən Üzeyir Hacıbəyliyə: türk dünyasının mədəni kodları” Beynəlxalq Elmi simpoziumun (25-26 sentyabr, 2025) materialları işıq üzü görüb.

    Azərbaycan Mədəniyyət Nazirliyi, AMEA Folklor İnstitutu, Türk Mədəniyyəti və İrsi Fondu, Azərbaycan Milli Konservatoriyasının təşkilatçılığı ilə keçirilən simpoziumda Azərbaycan alimləri ilə yanaşı, Türkiyə, Özbəkistan, Qazaxıstan, Qırğızıstan, Türkmənistan, Rusiya və başqa ölkələrdən onlarla tanınmış alim iştirak edib. Materiallar toplusunda Ü.Hacıbəyli adına Bakı Musiqi Akademiyasının  professoru Zümrüd Axundova-Dadaşzadənin “Xeyirxah gülüşün qüvvəsi: operettanın Üzeyir Hacıbəyli modeli” adlı məqaləsi yer alıb.

    Back to Top