16 aprel 2025-ci il tarixində Üzeyir Hacıbəyli adına Bakı Musiqi Akademiyasında dahi bəstəkar Üzeyir Hacıbəylinin 140 illiyinə həsr olunmuş təntənəli konsert keçirildi.

İfaçılıq fakültəsi “Simli alətlər” kafedrasının istedadlı tələbələri - Səidə Əhmədova, Aydan Hacıəhmədova, Asim Xəlilov, İsmayıl Xəlilli, Ləman İsmayılova, Xədicə Qasımova, Fidan Musayeva; Simli kvartet (İsmayıl Xəlilli, Xədicə Hacılı, Şəms Əlili, Vaqif Qurbanov) məharətli ifaları ilə dinləyicilərin zövqünü oxşadılar.

Xüsusi zövqlə seçilmiş konsert proqramında 

Soltan Hacıbəyovun “Skertso”, Henri Venyavskinin “Polonez”, Arif Məlikovun “Adajio”, Qabriel Faurenin “Elegiya”, Pyotr İliç Çaykovskinin “Düşüncələr”, Pablo Sarasatenin “İspan rəqsi” N.5, Sergey Raxmaninovun “Romans”, Alfred Şnitkenin “Polka” əsərləri səsləndirildi.

Gənc musiqiçiləri Arzu Səfərova, Zöhrə Salamova, Tomris Hüseynova, Günel Hacıyeva müşayiət etdilər. 

Tamaşaçıların böyük rəğbətini qazanmış konsert tədbiri gurultulu alqış sədaları altında başa çatdı.