• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    11 dekabr  2025-ci il 

    11 dekabr 2025-ci il tarixində Azərbaycan Bəstəkarlar İttifaqında bəstəkar, Azərbaycanın Xalq Artisti, “Şöhrət”, “Şərəf” və 1-ci dərəcəli “Əmək” ordenli, professor Tofiq Bakıxanovun 95 illik yubileyinə həsr olunmuş konsert keçirildi. 

    Konsertdə görkəmli bəstəkarın kamera-instrumental əsərləri səsləndirildi. 

    Tofiq Bakıxanovun Azərbaycan mövzusunda yazdığı 8-ci Sonatanı professor Məleykə Əhədzadə və professor Fəridə Əhmədbəyova ifa edərək, dinləyicilərə xoş anlar bəxş etdilər.

    Tamaşaçıların zövqünü oxşayan konsert tədbiri böyük coşqu ilə qarşılandı. 

    Back to Top